Kapatid din natin sila: rebyu ng ‘The Panti Sisters’

Opinion & Analysis Philippines Oct 11, 2019 at 2:45 pm

The Panti SistersFILM REVIEW: The Panti Sisters

By Angerica Villanueva

Literal na hagalpak sa tawa ang daranasin habang pinapanood ang pelikulang The Panti Sisters ni Jun Robles Lana.

Halata naman sa trailer pa lang ay ibibigay nito ang komedyang patok sa mga manonood. Paano ba naman ay maraming bagay dito ang nakarerelate sa lipunang Pilipino, lalo na kung ikaw ay isang bakla o may kakilalang bakla. Sa kabila ng kiliti nitong ibinigay, ano nga ba ang hatid na kabuluhan ng pelikula?

Kuwento ito ng pamilya “Panti” kung saan si Don Emilio na isang mayamang negosyante (halata naman dahil may “Don” talaga bago ang pangalan niya) ay may tatlong lalaking anak na sa kalaunan ay malalaman niyang mga bakla pala. Dahil sa hindi pagtanggap sa piniling kasarian ng mga anak, matagal nang hindi niya nakakasama ang mga ito, hanggang sa ipatawag niya sila isang araw. Muli silang nagtipon-tipon para ipabatid ni Don Emilio na mayroon siyang kanser at malapit nang mamatay. Binanggit niya na ibibigay niya na ang kanilang mana na nagkakahalagang P300 milyon (o tig-P100 milyon bawat isa) sa isang kundisyon: kailangan bigyan nila ng apo si Don Emilio.

(Read story…)