Kuwentong nakakaiyak: Danas ng isang magsisibuyas
Kuwentong nakakaiyak: Danas ng isang magsisibuyas
By Raquel Valerio
PinoyWeekly
Inabutan naming inaani ni Nanay Merlita Gallardo ang kanilang pananim na sibuyas kahit hindi pa panahon. Gusto niya kasing samantalahin na mataas ang presyo ng sibuyas sa merkado at maunahang maibenta ang kanilang mga ani bago ibagsak sa merkado ang 21,000 metriko toneladang sibuyas na aangkatin ng Department of Agriculture (DA).
May 30 taon nang nagsasaka ng sibuyas ang pamilya ni Nanay Merlita sa Bayambang, Pangasinan. Dito na siya nagkaasawa at nagkapamilya at kahit paulit-ulit ang kuwento ng pagkalugi dahil sa taas ng gastos sa produksiyon at kawalan ng suportang serbisyo ng pamahalaan, laban lang nang laban ang alam nilang paraan upang mabuhay.
Comments (0)