Ang mga alamat at katotohanan ng Canadian banking system

Ang mga alamat at katotohanan ng Canadian banking system

Mahigit sa kalahati (56 na porsiyento) ng mga bagong dating sa Canada ay maling naniniwala na kailangan mo ng credit history para maging kwalipikado sa mortgage, ayon sa poll kamakailan ng Royal Bank of Canada. Tinanong ng poll ang mga bagong dating ng isang serye ng mga tanong upang pawiin ang ilang mga alamat at magbigay ng mga katotohanan tungkol sa paksang kredito sa Canada.

Ang poll, na isinagawa ng Environics Research sa ngalan ng RBC, ay nagsiwalat na halos tatlo sa apat na bahagi ng mga tumutugon (72 porsiyento) ay sumang-ayon na ang credit card ay maaaring kapaki-pakinabang sa mga bagong Canadian para makabuo ng magandang credit rating, ngunit mayroon pa ring ilang mga alamat na kailangan ng paglilinaw.

Kabilang sa mga alamat na maling sinasang-ayunan ng mahigit sa 40% ng mga bagong dating ay:

Alamat 1 – Kailangan mo ng Canadian credit history para makakuha ng mortgage sa Canada

Alamat 2 – Ang mga bagong dating sa Canada ay dapat may Canadian na credit history bago sila maging karapat-dapat sa pautang sa sasakyan sa dealership ng kotse

Alamat 3 – Ang taong maraming ari-arian sa sinilangang bansa nila ay magkakaroon ng mas magandang credit rating sa Canada.

Alamat 4 – Ang mga bagong Canadian ay dapat may Canadian Credit history upang makakuha ng credit card.

“Isiniwalat ng poll ang ilang kawili-wiling mga natuklasan, at pinapakita nito sa atin na may ilang trabaho pa tayong gagawin pagdating sa pagtuturo sa mga bagong dating sa mga magkakaibang produktong makukuha nila sa Canada,” sabi ni Christine Shisler, direktor ng mga multicultural na merkado sa RBC. “Sa RBC, may bago kaming walang-kailangang-credit-history na mga produkto, kabilang ang mga credit card, pagtutustos sa pautang sa sasakyan, at mga mortgage na partikular na dinisenyo para sa mga bagong dating na makakatulong sa kanilang makuha ang una nilang card, kotse at bahay. Ang pinakamainam na paraan para baguhin ang mga alamat na ito ay sa pamamagitan ng edukasyon, kaya hinihikayat ko ang bawat bagong dating na makipag-usap sa isang tagapagpayong pinansiyal sa isang lokal na sangay ng RBC.”

Ang access sa credit ay nananatiling mahalagang prayoridad para sa lahat ng mga bagong dating sa Canada, at kamakailan binago ng RBC ang mga patakaran nila upang matugunan ang mga pangangailangan ng mga bagong dating, pinauuna sila sa kanilang mga kakumpetensiya sa ilang mga lugar. Para sa karagdagang impormasyon, pakibisita ang anumang sangay ng RBC o online sa rbc.com/settlequick.

(PRESS RELEASE)