Atake sa midya, atake sa mamamayan
Atake sa midya, atake sa mamamayan
Paano makakarating ang tamang balita sa mamamayan, kung patuloy ang pagbabanta, panunupil at pagpatay sa mga tagapaghatid nito?
February 21, 2022
By Neil Ambion at Jan Terence
Dalawang taon nang nakakulong si Frenchie Mae Cumpio, mamamahayag pangkomunidad ng Eastern Vista. Inaresto siya sa ginawang reyd ng Armed Forces of the Philippines sa staff house ng kanilang alternatibong pahayagan sa Tacloban noong Pebrero 7, 2020.
Sinampahan si Cumpio ng gawa-gawang kasong illegal possesion of firearms and explosives, karaniwang ikinakaso sa mga hinuhuling aktibista at kritiko ng administrasyong Duterte. Pero di pa man tapos ang paglilitis, at habang nagpapatuloy ang kanyang di makatarungang pagkapiit, panibagong kaso na naman ang isinampa sa kanya ng Anti-Money Laundering Council (AMLC) para daw sa pagpopondo ng terorismo.
Comments (0)