Korte sa Kuwait, binigyang hustisya ang pagpatay sa OFW
Korte sa Kuwait, binigyang hustisya ang pagpatay sa OFW
September 16, 2023
By Jamie Mikaella Vargas
Ikinatuwa ng Kilusan ng Manggagawang Kababaihan (KMK) ang hatol ng korte sa Kuwait sa kaso ng pagpatay sa overseas Filipino Worker (OFW) na si Jullebee Ranara noong Enero.
Hinatulan ng 15 taong pagkakakulong si Ayed Al-Azmi, 17 taong gulang na Turkish national, sa pagpaslang kay Ranara. Ginahasa, binugbog, sinagasaan at sinunog ni Al-Azmi si Ranara.
“Nakamit natin ang hustisyang ito dahil sa malakas na panawagan ng pamilya at mga kaibigan ni Jullebee at sa tulong ng iba’t ibang mga organisasyong nagsusulong ng interes ng ating mga kababayang manggagawa sa ibayong dagat,” ani Jacquiline Ruiz, tagapagsalita ng KMK.
Comments (0)