Lingguhang pagtitiis sa taas-presyo ng langis
Lingguhang pagtitiis sa taas-presyo ng langis
By Michelle Mabingnay
Aabot na sa P400 ang nawawala sa naiuuwing kita kada araw ni Dionisio Bendoy Jr., drayber at operator ng jeep, dahil sa walong linggong magkakasunod na taas-presyo sa mga produktong petrolyo.
“Hirap na talaga kaming mga namamasada sa totoo lang. Sobra na ‘yong pagtitiis namin,” aniya.
Nitong Setyembre 5, muling nagtaas ng presyo ang malalaking kompanya ng langis. Kung susumahin, umaabot na sa P14.40 kada litro ang itinaas sa diesel, P9.65 kada litro naman sa gasolina at P13.74 kada litro sa kerosene mula Hulyo 11.
Isa na ito sa mga pinakamahabang sunod-sunod na pagtaas ng presyo ng langis matapos ang sigalot ng Ukraine at Russia noong 2022.
Comments (0)