Pagpapawalang-sala kay Palparan, inhustisya
Pagpapawalang-sala kay Palparan, inhustisya
Emosyonal na lumabas si Raymond Manalo sa Regional Trial Court (RTC) Branch 19 sa Malolos City, Bulacan habang sumisigaw ng “Walang katarungan!” matapos mapawalang-sala si Maj. Gen. Jovito Palparan sa kasong kidnapping and serious illegal detention with serious physical injuries nitong Oktubre 6.
Isinampa ang kaso laban kay Palparan at mga miyembro ng Citizen Armed Forces Geographical Unit (Cafgu) noong 2016 ng magkapatid na magsasakang sina Raymond at Reynaldo Manalo na dinukot noong Pebrero 14, 2006 sa San Ildefonso, Bulacan.
Kinondena ng human rights watchdog na Karapatan ang pagpapawalang-sala ni Judge Francisco Felizmenio sa retiradong heneral na dumukot, tumortyur at pumaslang ng maraming mamamayan sa mga rehiyon kung saan siya nadestino noong administrasyon ni dating Pangulong Gloria Macapagal-Arroyo.
Comments (0)