Brodkaster, binaril habang umeere
Brodkaster, binaril habang umeere
November 8, 2023
By Marc Lino J. Abila
PINOY WEEKLY
Binaril ng mga ‘di kilalang lalaki ang isang brodkaster sa radyo sa bayan ng Calamba sa Misamis Occidental noong umaga ng Nobyembre 5, Linggo, sa bahay ng biktima na nagsisilbi ring istasyon ng radyo.
Nakuha sa binurang livestream ng programang “Pahapyod sa Kabuntagon (Pagbati sa Umaga)” ang pamamaril kay Juan Jumalon, 57, na mas kilala bilang DJ Johnny Walker ng 94.7 Gold FM.
Ayon sa ulat, bandang 5:40 a.m. nang may dumating na dalawang lalaki sa bahay ng biktima upang itanong kung maaari silang makapagbigay ng anunsiyo sa programa. Nang pagbuksan ng gate ng isang kasama sa bahay, tinutukan ito ng baril habang ang isa nama’y dumeretso sa radio booth upang barilin si Jumalon. Agad na tumakas ang dalawa matapos ang pamamaril.
Naitakbo pa sa Calamba District Hospital ngunit idineklarang “dead on arrival” ang biktima.
Comments (0)