Protesta para sa Palestine, dinahas ng pulisya sa BGC
Protesta para sa Palestine, dinahas ng pulisya sa BGC
May 15, 2024
Ni Francis Villabroza
PINOY WEEKLY
Nagtipon nitong umaga ng Mayo 14, ang mga kabataan sa harap ng Israeli Embassy sa Bonifacio Global City (BGC) sa Taguig City para gunitain ang Nakba Day at ipanawagan ang paghinto ng henosidyo ng Israel laban sa mamamayang Palestino sa Gaza, partikular ang nangyayari sa Rafah na malapit sa Egypt.
Nagsisimula pa lang sila magtipon, ipinagtabuyan na sila ng pinagsamang mga puwersa ng Philippine National Police (PNP) Taguig at BGC security group mula sa harap ng Israeli Embassy tungong Kalayaan Avenue na labas na ng BGC at tatlong kanto ang layo.
Ayon kay Lloyd Manango, kabataang kabahagi ng kilos-protesta at miyembro ng League of Filipino Students (LFS), may ilang nasugatan at hinampas ng shield at batuta at sinuntok ng mga pulis at guwardiya para pilit na maitaboy ng BGC.
Comments (0)