Wala namang nagbago sa Pilipinas
Wala namang nagbago sa Pilipinas
PINOY WEEKLY EDITORYAL
June 13, 2024
By Pinoy Weekly
Kaysa pagtuunan ng pansin ang mga suliranin ng bayan, magkantahan na lang tayo ng “Bagong Pilipinas” sa pagsisimula ng araw bago harapin ang katakot-takot na pasanin.
Naglabas kamakailan ng kautusan ang Malacañang para idagdag ang pag-awit ng himno at pagbigkas ng panata ng “Bagong Pilipinas” tuwing seremonya ng pagtataas ng watawat.
Sabi ng mga naabutan ang Batas Militar ng diktador na si Ferdinand Marcos Sr., halos wala itong pagkakaiba sa “Bagong Lipunan” na pinaawit sa mga paaralan at opisina ng gobyerno noon.
Ginamit ito ng diktador para ikondisyon ang isipan ng mamamayan na nasa mabuting kalagayan ang bansa, kahit sa katotohana’y batbat ito ng korupsiyon sa burukrasya at militar, paglagapak ng ekonomiya at kabuhayan, kagutuman at kahirapan, at kaliwa’t kanang paglabag sa karapatan.
Comments (0)