Ngayong nagkaroon ng kontrol ang pamilyang Marcos sa pagpilipit sa katotohanan, nararapat na magkaroon ng matibay na pag-aaral at pag-intindi ang masa, lalo na ang kabataan, sa malagim na kasaysayan ng diktadura.

Sa pag-upo ni Pangulong Ferdinand Marcos Jr. bilang presidente, bitbit nito ang hangaring burahin sa alaala ng taumbayan ang diktadurang inilatag ng kanyang ama na kalauna’y naging hudyat ng kolektibong pagkilos ng masa laban sa hindi makataong sistema ng pamumuno.

Halos apat na dekada na ang lumipas mula nang tapusin ng mamamayan ang diktadurang Marcos Sr. Tinatayang lagpas 3,000 ang bilang ng mga pinaslang noong kasagsagan ng batas militar. Bukod dito, lantaran rin ang pag-aresto at pagtortyur sa mga hinihinalang kumakalaban sa rehimen.

Matapos patalsikin ng taumbayan si Marcos Sr. noong 1986, nanalo naman sa maruming halalang pampanguluhan si Marcos Jr. noong 2022. Ito ang naging daan upang magkaroon ng pagkakataong kontrolin ng pamilyang Marcos ang mga impormasyong nakasentro sa kasaysayan ng martial law.

Read story…